Wa ko ka gets!

Wa ko ka gets!

farimz

Luha midagayday

Sa aping ni Inday

Laway og sip-on nagbitay

Puno gayod sa pagmahay.

Dughan gahoot

Pagbati dili mabulhot

Kauglingon puno sa kaligutgot

Huna-huna gangutngot.

Usa ka pangutana

Nga sahuna-huna nag gala

Sa tubag nagduha-duha

Utok gabalituk-balitok na.

Kaugalingon nahitumpawak

Sa bung-aw sa dakong luwak

Puno sa pagbakho og panghupaw

Kaugalingon galutaw-lutaw.

Lami nga isinggit

Ang gibating kasakit

Sakit nga sama sa napiit

Sakit nga sama sa gitusok og hait.

Hinaot nga gibati mawagtang na

Tubod sa mga luha

Karon gahulaw na

Basin unya og asa mapunta.

Dili lang unta madangatan

Ang buhat sa uban nga kaugalingon pasagdan

Tanang probema may kasulbaran

Mao kini ang ilubong sa alimpatakan.