Lahat ay may K!

Lahat ay may K!

farimz

Bakit nga ba ako narito?

Katanungang naglalaro sa isip ko

Na kahit ako mismo

Sagot ay hindi matanto.

Bakit nga ba niyakap ko?

Kahit damdamin ay hindi sigurado

Mga payo ng kaibigiga’y binalewala ko

Pagsisi tuloy ang inabot  ko.

Sa abot ng pagdadalawang-isip

Tumpak na sagot ay hindi masipsip

Kahit anong pili

Sagot ay hindi talaga masungkit.

Kalimita’y sa sobrang sakit

Hindi ko mapigilang umawit

Pluma’t papel ang bitbit

Damdami’t isipa’y kinakalabit.

Pero kahit ito ang nararamdaman

Ngiti at taawanan ng   mga kaibigan

Sa kalooba’y nagpapagaan

Kaya sulirani’y nabubura paminsan-minsan.

Unti-unti’y katotohana’y natanggap

Sinadya siguro ni Bro na ako’y narito

Marami kasing nangangailangan ng tulong ko

Ituro nang tama ang asignaturang Filipino.

Isipin nalang mabubuting napulot

Sa pagkakataong naidulot

Na ako’y narito’t nagpapatuloy

Sa laba’t pagkakataong dumadaloy.